Kulay Itim na Dumi ni Baby? Wag Muna Mag-Panic

Sanay tayo na ang dumi ng ating mga baby ay kulay dilaw, maberde-berde, o kulay brown. Pero paano kung naging kulay itim ito? Ibig bang sabihin nun ay may sakit ang ating mga sanggol? Posibleng oo, pero posible ring hindi.

Bakit nga ba nagiging kulay itim ang dumi ni baby?

1. Dahil sa kanyang kinakain

Bago muna mag-panic at dalhin agad si baby sa pedia o ospital, isipin muna kung ano ba ang naipakain mo sa iyong baby. May mga pagkain na nakapagpapaitim ng kanilang dumi. Halimbawa nito ay saging, berries, prunes, at grapes.

Share ko lang mga nay at tay experience namin. Noong first time naming pinakain si baby ng saging, kinabukasan ay tumae siya ng kulay dilaw pero may bahid na kulay itim ang kanyang dumi. Yung pagka-itim niya ay parang guhit-guhit, may tuldok-tuldok din. Aakalain mo na yung itim-itim sa dumi niya ay mga bulate.

Medyo kinabahan kaming mag-asawa. Pero kalma lang din kami kasi wala namang ibang mga sintomas si baby. Masigla siya, yun nga lang, may itim-itim ang dumi. Nang titigan ko yung dumi, naisip ko na baka eto lang yung gitna ng saging. Di ba may itim na part ang gitna ng saging? Noong ni-research ko, tama nga. Marami ring mga magulang ang nakaka-experience nito kapag pinakain nila ang baby nila ng saging.

Another example naman is noong pinakain namin si baby ng Gerber na banana flavor. Pagdumi ni baby, kulay light black (gray) ang kanyang dumi. Since naka-experience na kami before na nag-iiba ang kulay ng dumi depende sa kinakain, naisip din agad namin na baka ito ay dahil sa Gerber banana flavor lang. Nang hindi na namin pinakain si baby ng Gerber banana flavor, bumalik sa dating kulay yung dumi niya na kulay dilaw.

2. Dahil sa pag-inom ng iron-fortified na gatas at vitamins

Ayon naman sa nabasa ko, pwede ring maging kulay itim ang dumi ng baby kapag pinapainom niyo siya ng iron-fortified na gatas. Normal lang naman daw ito at hindi dapat ikabahala.

Bukod dito, pwede ring maging kulay itim ang dumi ni baby kung pinapainom niyo siya ng vitamins na mayaman sa iron.

3. Nakasipsip ng dugo ang baby habang binebreastfeed

Minsan, nagiging itim din ang dumi ni baby kung nakasipsip siya ng dugo dahil sa pagsusugat ng suso ng kanyang nanay. Ayon sa mga doktor, hindi naman ito mapanganib. Tiyakin lamang na sa susunod na pagpapasuso ay linisin muna ang mga suso upang matanggal ang dugo.

4. Bagong silang na sanggol

Normal din na kulay itim ang dumi ng newborn. Ito ay tinatawag na meconium. Karaniwang kulay itim ang kanilang dumi hanggang 2 o 4 na araw.



Kung wala naman kayong pinapakain o pinapainom na nakapagpapaitim ng dumi ni baby, maaaring ang itim na dumi ay dulot ng pagdurugo ng kanilang digestive tract. Kung hindi malaman ang dahilan, iminumungkahi na dalhin si baby sa pedia o ospital para ipacheckup.



Sources:
https://flo.health/being-a-mom/your-baby/baby-health-and-safety/black-baby-poop-all-you-need-to-know
https://www.webmd.com/parenting/baby/baby-bowel-movements#2
https://littleonemag.com/my-babys-poop-is-black-whats-wrong/

-----------------------------------------

Nagbebenta ako mga nay at tay ng mom, dad, and baby needs. Order naman kayo sa facebook.com/jirapiofficial o sa shopee.ph/jirapiofficial. Thanks!

-----------------------------------------

This blog is originally written by jirapi.blogspot.com and published on Jan. 27, 2020. If you see this blog posted elsewhere, please contact me on this page.